З глыбокім смуткам паведамляем пра смерць шматгадовага супрацоўніка кафедры беларусістыкі Варшаўскага ўніверсітэта, былога кіраўніка нашай адзінкі, прафесара Мікалая Цімашука.

28 08 2025

Развітанне з прафесарам Мікалаем Цімашуком, былым супрацоўнікам Варшаўскага ўніверсітэта адбудзецца ў панядзелак, 1 верасня, а 12:00 у Капліцы Святога Ігнацыя Лойолы на Паўночных Камунальных могілках па вул. Войчыцкага 14А ў Варшаве.

Мікалай Цімашук (1944–2025 гг.)

лінгвіст, беларусіст і русіст; навуковы супрацоўнік Варшаўскага ўніверсітэта (з 1968 г. у Інстытуце русістыкі, з2000 г. прафесар на Факультэце прыкладной лінгвістыкі і ўсходнеславянскіх філалогій, 2004–2009 г. кіраўнік Кафедры беларусістыкі); займаўся пераважна лексікаграфіяй, лексікалогіяй і словаўтвараннем рускай і беларускай моў, а таксама жаргонам, гаворкамі і перакладамі Бібліі на беларускую мову. Садзейнічаў развіццю польскай беларусістыкі праз даследаванні лінгвістычных аспектаў помнікаў беларускай пісьменнасці. Сааўтар і сурэдактар выданняў: Współczesny słownik polsko-rosyjski, rosyjsko-polski, Wielki słownik rosyjsko-polski, Słownik białorusko-polski, Kulturowo-językowe dziedzictwo Podlasia, часопіс Acta Albaruthenica.